ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਅੱਜ ਪੰਜਾਬ ਵਿਧਾਨ ਸਭਾ ਵਿੱਚ ਗੁਰੂ ਗ੍ਰੰਥ ਸਾਹਿਬ ਮਹਾਰਾਜ ਸਤਿਕਾਰਤ ਸੋਧਨਾ ਐਕਟ 2026 ਦੇ ਸਬੰਧ ਵਿੱਚ ਬੋਲ ਰਹੇ ਸਨ। ਆਪਣੀ ਸਪੀਚ ਵਿੱਚ ਬੋਲਦਿਆਂ ਉਹਨਾਂ ਨੇ ਇੱਕ ਗੱਲ ਦਾ ਜ਼ਿਕਰ ਕੀਤਾ । ਜਿਸ ਵਿੱਚ ਉਹਨਾ ਕਿਹਾ ਕਿ ਸਾਬਕਾ ਜਥੇਦਾਰ ਗਿਆਨੀ ਰਘਬੀਰ ਸਿੰਘ ਨੇ ਪਬਲਿਕਲੀ ਇਹ ਕਿਹਾ ਹੈ ਕਿ ਉਹਨਾਂ ਨੂੰ ਬਹੁਤ ਹੀ ਪ੍ਰੈਸ਼ਰਾਈਜ਼ ਕੀਤਾ ਗਿਆ ਅਤੇ ਸਿਫਾਰਿਸ਼ਾਂ ਉਹਨਾਂ ਉੱਪਰ ਕਰਵਾਈਆਂ ਗਈਆਂ ਕਿ ਪ੍ਰਕਾਸ਼ ਸਿੰਘ ਬਾਦਲ ਦਾ ਖੋਇਆ ਹੋਇਆ ਫਖਰੇ ਕੌਮ ਅਵਾਰਡ ਉਨਾਂ ਨੂੰ ਵਾਪਸ ਕਰ ਦਿੱਤਾ ਜਾਵੇ। ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਇਸ ਗੱਲ ਨੂੰ ਲੈ ਕੇ ਬੋਲਦਿਆਂ ਕਿਹਾ ਕਿ ਕੌਮ ਉਹਨਾਂ ਤੇ ਕਾਹਦਾ ਫਖਰ ਕਰੇ 1978 ਦੀ ਵਿਸਾਖੀ ਜਦੋਂ 13 ਸਿੱਖਾਂ ਦੇ ਕਤਲ ਹੋਏ 1986 ਜਦੋਂ ਦਰਬਾਰਾ ਸਿੰਘ ਗੁਰੂ ਦੀ ਅਗਵਾਈ ਦੇ ਵਿੱਚ ਨਕੋਦਰ ਬੇਦਵੀ ਹੋਈ ਜੋ ਦਰਬਾਰਾ ਸਿੰਘ ਗੁਰੂ ਬਾਅਦ ਵਿੱਚ ਅਕਾਲੀ ਦਲ ਵੱਲੋਂ ਇਲੈਕਸ਼ਨ ਲੜਦੇ ਹਨ। ਜਾਂ ਇਸ ਗੱਲ ਤੇ ਫਖਰ ਕਰੀਏ ਕਿ ਪ੍ਰਕਾਸ਼ ਸਿੰਘ ਬਾਦਲ ਨੇ ਕੋਹ ਕੋਹ ਕੇ ਮਾਰਨ ਵਾਲੇ ਪੁਲਿਸ ਅਫਸਰਾਂ ਨੂੰ ਇਲੈਕਸ਼ਨ ਲੜਾਇਆ ਇਸ ਗੱਲ ਉੱਪਰ ਸੁਖਬੀਰ ਸਿੰਘ ਬਾਦਲ ਨੇ ਸ਼੍ਰੀ ਅਕਾਲ ਤਖਤ ਸਾਹਿਬ ਨੇ ਆਪ ਮੰਨਿਆ ਕਿ ਉਹਨਾਂ ਤੋਂ ਇਹ ਗਲਤੀਆਂ ਹੋਈਆਂ ਹਨ ਇਸ ਗੱਲ ਤੇ ਉਹਨਾਂ ਦਾ ਫਖਰੇ ਕੌਮ ਵਾਪਸ ਹੋਣਾ ਚਾਹੀਦਾ ਹੈ।
ਇਸ ਗੱਲ ਉੱਪਰ ਫਖਰੇ ਕੌਮ ਦਿੱਤਾ ਜਾ ਸਕਦਾ ਹੈ ਕਿ 2015 ਵਿੱਚ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਮਹਾਰਾਜ ਦੀ ਬੇਅਦਬੀ ਉਹਨਾਂ ਦੇ ਕਾਰਜਕਾਲ ਦੌਰਾਨ ਹੋਈ ਉਹਨਾਂ ਨੇ ਗੁਰੂ ਗ੍ਰੰਥ ਸਾਹਿਬ ਮਹਾਰਾਜ ਦੀ ਬੇਅਦਬੀ ਸਬੰਧੀ ਜੋ ਕਾਨੂੰਨ ਬਣਾਇਆ ਉਹਦੇ ਚ ਕਈ ਚੋਰ ਮੋਰੀਆਂ ਸਨ ਮੈਂ ਅੱਜ ਇਹ ਸਦਨ ਵਿੱਚ ਵਾਅਦਾ ਕਰਕੇ ਜਾ ਰਿਹਾ ਹਾਂ ਇਹ ਚੌਥੀ ਟਾਈਮ ਜਰੂਰ ਸਦਨ ਵਿੱਚ ਆਇਆ ਹੈ ਅਮੈਂਡਮੈਂਟ ਹੋਣ ਲਈ ਪ੍ਰੰਤੂ ਪੰਜਵੀਂ ਵਾਰ ਨਹੀਂ ਆਏਗਾ , ਅੱਜ ਹੀ ਤਾਲਾ ਲਾ ਦਿੱਤਾ ਜਾਊਗਾ। ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਨੇ ਦੱਸਿਆ ਕਿ ਇਹ ਸੋਧਨਾ ਬਿੱਲ ਤੇ ਰਾਜਪਾਲ ਸਾਹਿਬ ਦੀ ਮਨਜ਼ੂਰੀ ਹੀ ਜਰੂਰੀ ਹੁੰਦੀ ਹੈ। ਉਹਨਾਂ ਵਿਰੋਧੀ ਧਿਰ ਕਾਂਗਰਸ ਅਤੇ ਹੋਰ ਬੈਠੇ ਵਿਧਾਇਕਾਂ ਨੂੰ ਅਪੀਲ ਕੀਤੀ ਕਿ ਤੁਸੀਂ ਸ਼ਿਕਾਇਤ ਲਾਣ ਦਾ ਮੇਰੀ ਹਰ ਦੂਜੇ ਦਿਨ ਰਾਜਪਾਲ ਸਾਹਿਬ ਕੋਲ ਚਲੇ ਜਾਂਦੇ ਹੋ ਇਹ ਬਿੱਲ ਨੂੰ ਪਾਸ ਕਰਵਾਉਣ ਲਈ ਮੇਰੇ ਨਾਲ ਚਲਿਓ ਐਕਟ ਬਣ ਜਾਊਗਾ ।