ਸਰਹੱਦੀ ਖੇਤਰ ਵਿਚ ਧਰਮ ਪਰਿਵਰਤਨ ਲਹਿਰ ਨੂੰ ਟੱਕਰ ਦੇ ਰਹੀ ਹੈ ਗੁਰੂ ਨਾਨਕ ਵੈਲਫੇਅਰ ਸੁਸਾਇਟੀ

ਅੰਮ੍ਰਿਤਸਰ- ਸਰਹੱਦੀ ਖੇਤਰ ਵਿਚ ਤੇਜੀ ਨਾਲ ਫੈਲ ਰਹੀ ਧਰਮ ਪਰਿਵਰਤਨ ਦੀ ਲਹਿਰ ਦਾ ਮੁਕਾਬਲਾ ਕਰਨ ਲਈ ਦਿਨ ਰਾਤ ਯਤਨ ਕਰ ਰਹੀ ਸੰਸਥਾ ਗੁਰੂ ਨਾਨਕ ਵੈਲਫੇਅਰ ਸੁਸਾਇਟੀ ਵਲੋ ਹੁਣ ਤਕ ਸੈਕੜੇ ਪਰਵਾਰਾਂ ਨੂੰ ਮੂਲ ਧਰਮ ਵਿਚ ਵਾਪਿਸ ਲਿਆਂਦਾ ਹੈ। ਜਾਣਕਾਰੀ ਦਿੰਦੇ ਹੋਏ ਸੰਸਥਾ ਗੁਰੂ ਨਾਨਕ ਵੈਲਫੇਅਰ ਸੁਸਾਇਟੀ ਦੇ ਵਲੋ ਭਾਈ ਸਾਹਿਬ ਸਿੰਘ ਉਰਫ ਭਾਈ ਜਸਪਾਲ ਸਿੰਘ ਨੇ ਦਸਿਆ ਕਿ ਸਰਹੱਦੀ ਖੇਤਰ ਵਿਚ ਧਰਮ ਪਰਿਵਰਤਨ ਦੀ ਲਹਿਰ ਜਿਸ ਤੇਜੀ ਨਾਲ ਫੈਲੀ ਸੀ ਉਸੇ ਤੇਜੀ ਨਾਲ ਸਮੇਟੀ ਜਾ ਚੁੱਕੀ ਹੈ। ਸ੍ਰੀ ਗੁਰੂ ਤੇਗ ਬਹਾਦਰ ਸਾਹਿਬ ਦੀ ਸ਼ਹਾਦਤ ਦੀ 350 ਸਾਲਾ ਸ਼ਤਾਬਦੀ ਨੂੰ ਸਮਰਪਿਤ ਸਮਾਗਮਾਂ ਵਿਚ ਸਰਹੱਦੀ ਖੇਤਰ ਵਿਚ ਘਰੋ ਬੇਘਰੇ ਹੋਏ ਪਰਵਾਰਾਂ ਦੀ ਮੁੜ ਘਰ ਵਾਪਸੀ ਕਰਵਾਉਣ ਲਈ ਯਤਨ ਕੀਤੇ ਜਾ ਰਹੇ ਹਨ। ਇਨਾਂ ਪਰਵਾਰਾਂ ਨੂੰ ਆਰਥਿਕ ਤੌਰ ਤੇ ਮਜਬੂਤ ਕਰਨ ਲਈ ਸਿਲਾਈ ਸੈਂਟਰ ਅਰੰਭ ਕੀਤੇ ਗਏ। ਇਨਾਂ ਪਰਵਾਰਾਂ ਦੇ ਬਚਿਆਂ ਨੂੰ ਸਕੂਲੀ ਵਿਿਦਆ ਵਿਚ ਨਿਪੰੁਨ ਬਣਾਉਣ ਲਈ ਜਗ੍ਹਾ ਜਗ੍ਹਾ ਟਵਿਸ਼ਨ ਸੈਂਟਰ ਸ਼ੁਰੂ ਕੀਤੇ ਗਏ ਹਨ। ਇਸ ਤੋ ਇਲਾਵਾ ਇਨਾਂ ਦੇ ਬਚਿਆ ਨੂੰ ਕਿੱਤਾ ਮੁਖੀ ਕੋਰਸਾਂ ਦੀ ਪੜਾਈ ਲਈ ਯੋਗ ਬਣਾਉਣ ਦੀਆਂ ਕੋਸ਼ਿਸ਼ਾ ਜਾਰੀ ਹਨ। ਭਾਈ ਸਾਹਿਬ ਸਿੰਘ ਉਰਫ ਭਾਈ ਜ਼ਸਪਾਲ ਸਿੰਘ ਨੇ ਦਸਿਆ ਕਿ ਘਰ ਵਾਪਸੀ ਤੋ ਬਾਅਦ ਇਨਾਂ ਸਾਰੇ ਪਰਿਵਾਰਾਂ ਨੂੰ ਗੁਰਮਤਿ ਨਾਲ ਜੋੜਣ ਦੇ ਵਿਸੇ਼ਸ਼ ਉਪਰਾਲੇ ਕੀਤੇ ਜਾ ਰਹੇ ਹਨ ਜਿਸ ਦੇ ਤਹਿਤ ਇਨਾਂ ਪਰਿਵਾਰਾਂ ਦੇ ਮੈਂਬਰਾਂ ਨੂੰ ਗੁਰਬਾਣੀ ਦੇ ਪਾਠ ਕਰਨ ਤੇ ਗੁਰਬਾਣੀ ਤੇ ਅਮਲ ਕਰਨ ਦੀ ਸਿਿਖਆ ਵੀ ਦਿੱਤੀ ਜਾਂਦੀ ਹੈ। ਅਨੇਕਾਂ ਪਰਿਵਾਰ ਸ੍ਰੀ ਅਕਾਲ ਤਖ਼ਤ ਸਾਹਿਬ ਤੇ ਜਾ ਕੇ ਅੰਮ੍ਰਿਤ ਦੀ ਦਾਤ ਵੀ ਪ੍ਰਾਪਤ ਕਰ ਚੁੱਕੇ ਹਨ। ਉਨਾਂ ਦਸਿਆ ਕਿ ਸੰਸਥਾ ਵਲੋ ਪਨਗੋਟਾ, ਪਰਿੰਗੜੀ, ਭੈਣੀ, ਵਲਟੋਹਾ, ਗੰਡੀਵਿੰਡ ਬੰਦੇਸ਼ਾ, ਪਹੁਵਿੰਡ, ਧੱਤਲ, ਪੱਟੀ, ਸਰਹਾਲੀ ਮੰਡ, ਚੋਹਲਾ ਸਾਹਿਬ, ਕਿਰਤੋਵਾਲ ਆਦਿ ਇਲਾਕਿਆਂ ਵਿਚ 30 ਦੇ ਕਰੀਬ ਸੈਂਟਰ ਸਫਲਤਾ ਪੂਰਵਕ ਚਲ ਰਹੇ ਹਨ। ਇਨਾਂ ਸੈਂਟਰਾਂ ਵਿਚ ਕੰਮ ਕਰੇ ਅਧਿਆਪਕਾਂ ਨੂੰ ਤਨਖਾਹਾਂ ਵੀ ਦਿੱਤੀਆਂ ਜਾਂਦੀਆਂ ਹਨ। ਇਸ ਮੌਕੇ ਤੇ ਸ੍ਰ ਗੁਰਚਰਨ ਸਿੰਘ ਪ੍ਰਧਾਨ, ਬਲਜੀਤ ਸਿੰਘ ਸੈਕਟਰੀ, ਦਵਿੰਦਰ ਸਿੰਘ ਨਾਗੀ, ਪ੍ਰਦੀਪ ਸਿੰਘ, ਦਰਸ਼ਨ ਸਿੰਘ, ਨਿਰਮਲ ਸਿੰਘ ਤੇ ਡਾਕਟਰ ਗੁਰਪ੍ਰਕਾਸ਼ ਸਿੰਘ ਵੀ ਹਾਜਰ ਸਨ।