ਪਾਕਿਸਤਾਨ ਤੋਂ ਪਰਤਿਆ ਜੱਥਾ ਜਥੇ ਜਥੇ ਲਈ ਪਾਕ ਵਿੱਚ ਹੋਏ ਪ੍ਰਬੰਧਾਂ ਤੋਂ ਪੂਰੀ ਤਰ੍ਹਾਂ ਸੰਤੁਸ਼ਟ- ਜਥੇਦਾਰ ਸੁਰਜੀਤ ਸਿੰਘ ਤੁਗਲਵਾਲ

ਖ਼ਾਲਸਾ ਸਾਜਨਾ ਪੁਰਬ ਮੌਕੇ ਭਾਰਤ ਤੋ ਗਏ ਯਾਤਰੀ ਜੱਥੇ ਦੇ ਪਾਰਟੀ ਲੀਡਰ ਜਥੇਦਾਰ ਸੁਰਜੀਤ ਸਿੰਘ ਤੁਗਲਵਾਲ ਨੇ ਪਾਕਿਸਤਾਨੀ ਪੰਜਾਬ ਦੀ ਮੁਖ ਮੰਤਰੀ ਬੀਬੀ ਮਰੀਅਮ ਨਵਾਜ਼ ਤੇ ਪਾਕਿਸਤਾਨ ਸਿੱਖ ਗੁਰਦਵਾਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਸ੍ਰ ਰਮੇਸ਼ ਸਿੰਘ ਅਰੋੜਾ ਦਾ ਜਥੇ ਲਈ ਕੀਤੇ ਚੰਗੇ ਪ੍ਰਬੰਧਾਂ ਲਈ ਧੰਨਵਾਦ ਕੀਤਾ। ਅੱਜ ਇਸ ਪੱਤਰਕਾਰ ਨਾਲ ਗਲ ਕਰਦਿਆਂ ਜਥੇਦਾਰ ਤੁਗਵਾਲ ਨੇ ਕਿਹਾ ਕਿ ਸਾਨੂੰ ਇਹ ਲੱਗਿਆ ਹੀ ਨਹੀ ਕਿ ਅਸੀ ਗਵਾਂਢੀ ਮੁਲਕ ਵਿਚ ਆਏ ਹਾਂ।ਸ੍ਰ ਅਰੋੜਾ ਦੀ ਅਗਵਾਈ ਹੇਠ ਪੂਰਾ ਪ੍ਰਸ਼ਾ਼ਸਨ ਤੇ ਕਮੇਟੀ ਜਥੇ ਦੀ ਸੇਵਾ ਵਿਚ ਪਬਾ ਭਾਰ ਹੋਈ ਰਹੀ।ਸੁਰਖਿਆ ਦੇ ਪ੍ਰਬੰਧਾਂ ਨੇ ਤਾਂ ਕਮਾਲ ਹੀ ਕਰ ਦਿੱਤੀ।ਇਹ ਸਾਰਾ ਕੁਝ ਦੇਖ ਕੇ ਲੱਗ ਰਿਹਾ ਸੀ ਕਿ ਜਿਵੇ ਅਸੀਂ ਖ਼ਾਲਸਾ ਸਾਜਨਾ ਪੁਰਬ ਦਾ ਦਿਹਾੜਾ ਹਿੰਦੁਸਤਾਨ ਦੀ ਧਰਤੀ ਤੇ ਮਨਾ ਰਹੇ ਹੋਈਏ। ਜਥੇਦਾਰ ਨੇ ਲਹਿੰਦੇ ਪੰਜਾਬ ਦੇ ਵਿਚ ਜਥੇ ਦੀ ਸੇਵਾ ਵਿਚ ਲਗੇ ਡਾਕਟਰ ਸਾਹਿਬਾਨ ਤੇ ਮੈਡੀਕਲ ਟੀਮ ਦਾ ਵੀ ਖਾਸ ਕਰਕੇ ਧੰਨਵਾਦ ਕੀਤਾ ਜਿਨਾਂ ਆਪਣੇ ਅਰਾਮ ਨੂੰ ਭੁੱਲ ਕੇ ਜਥੇ ਦੀ ਸੇਵਾ ਵਿਚ ਦਿਨ ਰਾਤ ਲਗਾਇਆ। ਉਨਾਂ ਕਿਹਾ ਕਿ ਜਥੇ ਦੀ ਸੰਗਤ ਨੇ ਗੁਰਦਵਾਰਾ ਜਨਮ ਅਸਥਾਨ ਨਨਕਾਣਾ ਸਾਹਿਬ, ਹਸਨ ਅਬਦਾਲ ਵਿਖੇ ਗੁਰਦਵਾਰਾ ਪੰਜਾ ਸਾਹਿਬ, ਕਰਤਾਰਪੁਰ ਸਾਹਿਬ ਵਿਖੇ ਜਿੱਥੇ ਗੁਰੂ ਨਾਨਕ ਸਾਹਿਬ ਨੇ ਖੇਤੀ ਕੀਤੀ ਕਿਰਤ ਕਰੋ, ਨਾਮ ਜਪੋ ਤੇ ਵੰਡ ਛਕੋ ਉਪਦੇਸ਼ ਦਿੱਤਾ ਉਸ ਧਰਤੀ ਨੂੰ ਨਤਮਸਤਕ ਹੋਇਆ।ਉਨਾਂ  ਪ੍ਰਧਾਨ ਸ੍ਰ ਰਮੇਸ਼ ਸਿੰਘ ਅਰੋੜਾ ਨੂੰ ਸੰਬੋਧਨ ਹੁੰਦਿਆ ਕਿਹਾ ਕਿ ਅਰੋੜਾ ਜੀ ਤੁਸਾਂ  ਪ੍ਰਬੰਧ ਕਰਕੇ ਕਮਾਲ ਕਰ ਦਿੱਤੀ। ਗੱਡੀਆਂ ਸਾਡੇ ਨਾਲ ਸੁਰਖਿਆ ਲਈ, ਲੰਗਰ ਦਾ ਪ੍ਰਬੰਧ ਜੋ ਸਾਨੂੰ ਚਾਹੀਦਾ ਸੀ ਉਹ ਸਾਡੇ ਲਈ ਤਿਆਰ ਕਰਵਾਇਆ ਸੰਗਤਾਂ ਲਈ 24 ਘੰਟੇ ਚਾਹ ਪਾਣੀ ਮਿਲਦਾ ਰਿਹਾ। ਗੁਰੂ ਨਾਨਕ ਦੇਵ ਜੀ ਨੇ ਲੰਗਰ ਦੀ ਪ੍ਰਥਾ ਚਲਾਈ ਸੀ  ਅੱਜ ਤੱਕ ਚਲਦੀ ਆ ਰਹੀ ਹੈ।ਅਸੀਂ ਸਮਝਦੇ ਸੀ ਧਰਤੀ ਤੇ ਅਸੀਂ ਭਾਰਤੀ ਸਿੱਖ ਹੀ  ਬਹੁਤ ਵੱਡੇ ਲੰਗਰ  ਚਲਾ ਰਹੇ ਹਾਂ, ਪਰ ਸਾਨੂੰ ਅੱਜ ਪਤਾ ਲੱਗਾ ਕਿ ਸਾਡਾ ਭਰਾ ਇਥੋ ਦੇ  ਗੁਰਦੁਆਰਾ ਕਮੇਟੀ ਦਾ ਪ੍ਰਧਾਨ ਬਣ ਕੇ ਗੁਰੂ ਨਾਨਕ ਸਾਹਿਬ ਦੇ ਮਿਸ਼ਨ ਨੂੰ ਉਸੇ ਤਰਾਂ ਚਲਾ ਰਿਹਾ ਹੈ। ਉਨਾਂ ਕਿਹਾ ਕਿ ਪਿਛਲੇ ਸਮੇ ਵਿਚ ਜਦ ਹੜ ਆਏ ਸਨ ਤਾਂ ਸਰਕਾਰ ਦੀ ਪਹਿਲਕਦਮੀ ਨੇ ਸਾਡੇ ਗੁਰਧਾਮਾਂ ਨੂੰ ਦੋ ਦਿਨਾਂ ਦੇ ਵਿੱਚ ਕਲੀਅਰ ਕਰਵਾ ਦਿੱਤਾ। ਤੁਹਾਡੀਆਂ ਫੋਟੋ ਵੇਖੀਆਂ ਗੁਰੂ ਮਹਾਰਾਜ ਦਾ ਪ੍ਰਕਾਸ਼ ਸ਼ੁਰੂ ਕੀਤਾ ਸ਼ਾਇਦ ਹੋ ਸਕਦਾ ਅਸੀ ਹਿੰਦੁਸਤਾਨ ਦੀ ਧਰਤੀ ਤੇ ਪਛੜ ਗਏ ਹੋਵਾਂਗੇ ਪਰ ਤੁਸੀ  ਇਸ ਪਾਕਿਸਤਾਨ ਦੀ ਧਰਤੀ ਤੇ ਕੋਈ ਕਸਰ ਨਹੀਂ ਛੱਡੀ