ਸੁਖਬੀਰ ਬਾਦਲ ਵੱਲੋਂ ਇਸਤਰੀ ਅਕਾਲੀ ਦਲ ਦੇ ਹਲਕਾ ਪ੍ਰਧਾਨਾਂ ਦੀ ਦੂਜੀ ਸੂਚੀ ਜਾਰੀ

ਚੰਡੀਗੜ੍ਹ -ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸ. ਸੁਖਬੀਰ ਸਿੰਘ ਬਾਦਲ ਨੇ ਇਸਤਰੀ ਅਕਾਲੀ ਦਲ ਦੀ ਪ੍ਰਧਾਨ ਬੀਬੀ ਹਰਗੋਬਿੰਦ ਕੌਰ ਅਤੇ ਵੱਖ—ਵੱਖ ਵਿਧਾਨ ਸਭਾ ਦੇ ਹਲਕਾ ਇੰਚਾਰਜਾਂ ਨਾਲ ਸਲਾਹ ਮਸ਼ਵਰੇ ਤੋਂ ਬਾਅਦ ਅੱਜ ਇਸਤਰੀ ਅਕਾਲੀ ਦਲ ਦੀਆਂ 23 ਹੋਰ ਹਲਕਾ ਪ੍ਰਧਾਨਾਂ ਦੀ ਦੂਜੀ ਸੂਚੀ ਜਾਰੀ ਕਰ ਦਿੱਤੀ।
ਅੱਜ ਪਾਰਟੀ ਦੇ ਮੁੱਖ ਦਫਤਰ ਤੋਂ ਇਸ ਬਾਰੇ ਜਾਣਕਾਰੀ ਦਿੰਦੇ ਹੋਏ ਪਾਰਟੀ ਦੇ ਸੀਨੀਅਰ ਮੀਤ ਪ੍ਰਧਾਨ ਅਤੇ ਸਕੱਤਰ ਡਾ. ਦਲਜੀਤ ਸਿੰਘ ਚੀਮਾ ਨੇ ਦੱਸਿਆ ਕਿ ਇਸ ਤੋਂ ਪਹਿਲਾਂ ਇਸਤਰੀ ਅਕਾਲੀ ਦਲ ਦੀਆਂ 56 ਹਲਕਿਆਂ ਦੀਆਂ ਹਲਕਾ ਪ੍ਰਧਾਨਾਂ ਦਾ ਐਲਾਨ ਕੀਤਾ ਜਾ ਚੁੱਕਾ ਹੈ। ਉਹਨਾਂ ਦੱਸਿਆ ਕਿ ਅੱਜ ਹੋਰ 23 ਵਿਧਾਨ ਸਭਾ ਹਲਕਿਆ ਦੀਆਂ ਹਲਕਾ ਪ੍ਰਧਾਨਾਂ ਦਾ ਐਲਾਨ ਕੀਤਾ ਜਾ ਰਿਹਾ ਹੈ। ਉਹਨਾਂ ਦੱਸਿਆ ਕਿ ਜਿਹੜੀਆਂ ਮਿਹਨਤੀ ਇਸਤਰੀ ਅਕਾਲੀ ਦਲ ਦੀਆਂ ਬੀਬੀਆਂ ਨੂੰ ਵੱਖ—ਵੱਖ 23 ਵਿਧਾਨ ਸਭਾ ਹਲਕਿਆਂ ਦੀਆਂ ਹਲਕਵਾਰ ਪ੍ਰਧਾਨ ਨਿਯੁਕਤ ਕੀਤਾ ਗਿਆ ਹੈ ਉਹਨਾਂ ਵਿੱਚ ਹਲਕਾ ਬਠਿੰਡਾ (ਸ਼ਹਿਰੀ) ਬੀਬੀ ਬਲਵਿੰਦਰ ਕੌਰ ਚਹਿਲ, ਹਲਕਾ ਬਰਨਾਲਾ ਬੀਬੀ ਅਨੀਤਾ ਮੱਟੂ, ਹਲਕਾ ਗੁਰੂ ਹਰਸਹਾਏ ਬੀਬੀ ਰਾਜਵੀਰ ਕੌਰ ਤੱਲੇਵਾਲਾ, ਹਲਕਾ ਜੀਰਾ ਬੀਬੀ ਜਸਵਿੰਦਰ ਕੌਰ ਜੀਰਾ, ਹਲਕਾ ਕੋਟਕਪੁਰਾ ਬੀਬੀ ਸੁਖਦੀਪ ਕੌਰ ਮੱਲੀ ਢੁੱਡੀ, ਹਲਕਾ ਫਤਿਹਗੜ ਚੂੜੀਆਂ ਬੀਬੀ ਜਸਬੀਰ ਕੌਰ ਵੀਲਾ ਤੇਜਾ, ਹਲਕਾ ਡੇਰਾ ਬਾਬਾ ਨਾਨਕ ਬੀਬੀ ਕਿਰਨਦੀਪ ਕੌਰ, ਹਲਕਾ ਚੱਬੇਵਾਲ (ਐਸ.ਸੀ) ਬੀਬੀ ਜਸਪ੍ਰੀਤ ਕੌਰ ਰਾਮਪੁਰ ਸੈਣੀਆਂ, ਹਲਕਾ ਜਗਰਾਉਂ (ਐਸ.ਸੀ) ਬੀਬੀ ਸਤਪਾਲ ਕੌਰ ਲੀਲਾ ਮੇਘ ਸਿੰਘ, ਹਲਕਾ ਖੰਨਾ ਬੀਬੀ ਕੁਲਦੀਪ ਕੌਰ ਕਲੀਰਾਓ, ਹਲਕਾ ਸਮਰਾਲਾ ਬੀਬੀ ਪਰਮਜੀਤ ਕੌਰ ਕੰਗ, ਹਲਕਾ ਮੋਹਾਲੀ ਬੀਬੀ ਭੁਪਿੰਦਰ ਕੌਰ ਗੋਸਲ, ਹਲਕਾ ਖਰੜ ਬੀਬੀ ਰੁਪਿੰਦਰ ਕੌਰ ਧੀਮਾਨ, ਹਲਕਾ ਡੇਰਾਬਸੀ ਬੀਬੀ ਬਲਵਿੰਦਰ ਕੌਰ ਈਸਾਪੁਰ, ਹਲਕਾ ਸ੍ਰੀ ਮੁਕਤਸਰ ਸਾਹਿਬ (ਸ਼ਹਿਰੀ) ਬੀਬੀ ਅੰਮ੍ਰਿਤਪਾਲ ਕੌਰ ਅਤੇ ਸ਼੍ਰੀ ਮੁਕਤਸਰ ਸਾਹਿਬ (ਦਿਹਾਤੀ) ਬੀਬੀ ਸੁਰਜੀਤ ਕੌਰ, ਹਲਕਾ ਅਮਰਗੜ੍ਹ ਬੀਬੀ ਸੁਖਵਿੰਦਰ ਕੌਰ ਭੁੱਲਰਾਂ, ਹਲਕਾ ਸ਼੍ਰੀ ਅਨੰਦਪੁਰ ਸਾਹਿਬ ਬੀਬੀ ਹਰਦੀਪ ਕੌਰ ਕੋਟਲਾ, ਹਲਕਾ ਪਟਿਆਲਾ (ਦਿਹਾਤੀ) ਬੀਬੀ ਜਸਪਾਲ ਕੌਰ ਬਾਰਨ, ਹਲਕਾ ਸਮਾਣਾ ਬੀਬੀ ਹਰਜੀਤ ਕੌਰ ਚੌਂਠ, ਹਲਕਾ ਨਵਾਂਸ਼ਹਿਰ ਬੀਬੀ ਸਤਪਾਲ ਕੌਰ ਪਾਬਲਾ, ਹਲਕਾ ਸ਼ਾਹਕੌਟ ਬੀਬੀ ਕੁਲਦੀਪ ਕੌਰ ਝੁੱਗੀਆਂ, ਹਲਕਾ ਸੁਨਾਮ ਬੀਬੀ ਪਰਮਿੰਦਰ ਕੌਰ ਬਰਾੜ ਲੋਂਗੋਵਾਲ ਅਤੇ ਹਲਕਾ ਖਡੂਰ ਸਾਹਿਬ ਤੋਂ ਬੀਬੀ ਮਨਜੀਤ ਕੌਰ ਡਿਆਲ ਰਾਜਪੂਤਾਂ ਦੇ ਨਾਮ ਸ਼ਾਮਲ ਹਨ।