ਚੰਡੀਗੜ੍ਹ - ਸ਼੍ਰੋਮਣੀ ਅਕਾਲੀ ਦਲ ਪੁਨਰ ਸੁਰਜੀਤ ਦੀ ਕੋਰ ਕਮੇਟੀ ਦੇ ਮੈਂਬਰ ਸੁੱਚਾ ਸਿੰਘ ਛੋਟੇਪੁਰ ਨੇ ਇਕ ਪ੍ਰੈਸ ਨੋਟ ਜਾਰੀ ਕਰਦਿਆ ਦੱਸਿਆ ਅੱਜ ਜਦੋ ਸਾਰਾ ਪੰਥ ਸ਼ਹੀਦ ਖਾਲੜਾ ਨੂੰ ਯਾਦ ਕਰ ਰਿਹਾ ਉਦੋ ਉਹਨਾਂ ਸ਼ਹੀਦਾਂ ਦੇ ਕਾਤਲਾਂ ਦੇ ਵਕੀਲ ਪੰਥ ਦੀਆ ਮਹਾਨ ਸੰਸਥਾਂਵਾਂ ਤੇ ਕਾਬਜ਼ ਹੋਣ ਪੰਥ ਨੂੰ ਮਨਜ਼ੂਰ ਨਹੀਂ ।ਸ਼ਹੀਦ ਖਾਲ਼ੜਾ ਦੇ ਕਾਤਲਾਂ ਦੇ ਵਕੀਲ ਸਤਨਾਮ ਸਿੰਘ ਕਲੇਰ ਨੂੰ ਸ਼੍ਰੋਮਣੀ ਕਮੇਟੀ ਦੀ ਸਿਫਾਰਸ਼ ਅਨੁਸਾਰ ਗੁਰਦੁਆਰਾ ਜੁਡੀਸ਼ੀਅਲ ਕਮਿਸ਼ਨ ਦਾ ਚੇਅਰਮੈਨ ਨਿਯੁਕਤ ਕੀਤਾ ਗਿਆ ਹੈ ਜੋ ਕਿ ਉਹਨਾਂ ਸ਼ਹੀਦਾਂ ਦਾ ਨਿਰਾਦਰ ਹੈ
ਇੱਥੇ ਹੀ ਬੱਸ ਨਹੀਂ ਇਸ ਚੇਅਰਮੈਨ ਦਾ ਮੁੰਡਾ ਅਰਸ਼ਦੀਪ ਸਿੰਘ ਕਲੇਰ ਸ਼ਿਰੋਮਣੀ ਕਮੇਟੀ ਦੇ ਆਕਾ ਸੁਖਬੀਰ ਬਾਦਲ ਦੇ ਧੜੇ ਦਾ ਮੁੱਖ ਬੁਲਾਰਾ ਹੈ ਤੇ ਨਾਲੇ ਪਤਿਤ ਹੈ
ਓਹਨਾ ਆਗੇ ਦੱਸਿਆ ਕਿ ਸਾਡੀ ਕਿੰਨੀ ਤ੍ਰਾਸਦੀ ਹੈ ਕਿ ਅੱਜ ਜਿਹੜੇ ਲੋਕ ਜਸਵੰਤ ਸਿੰਘ ਖਾਲੜਾ ਦੀ ਜੀਵਨੀ ਆਧਾਰਿਤ ਫ਼ਿਲਮ ਦਿਖਾਉਣ ਦੀਆ ਗੱਲਾਂ ਕਰਦੇ ਹਨ ਉਹ ਉਹਨਾਂ ਵਲੋ ਸ਼ਹੀਦਾਂ ਦੇ ਕਾਤਲਾਂ ਨੂੰ ਬਚਾਉਣ ਵਾਲੇ ਵਕੀਲਾਂ ਨੂੰ ਸਿੱਖ ਪੰਥ ਦੇ ਉੱਚੇ ਰੁਤਬਿਆ ਤੇ ਲਾਇਆ ਹੋਇਆ ਹੈ ਜਿਹੜਾ ਕਿ ਅਤਿ ਨਿੰਦਣਯੋਗ ਹੈ
ਉਹਨਾਂ ਜਥੇਦਾਰ ਗੜਗੱਜ ਨੂੰ ਬੇਨਤੀ ਕੀਤੀ ਕਿ ਤੁਹਾਡੀ ਅਰਦਾਸ ਕੀਤੀ ਤਾ ਹੀ ਸਫਲ ਹੈ ਜਿਹੜੇ ਲੋਕਾ ਨੇ ਸ਼ਹੀਦਾਂ ਦੇ ਕਾਤਲਾਂ ਨੂੰ ਬਚਾਉਣ ਦੇ ਦੋਸ਼ੀ ਹਨ ਓਹਨਾ ਨੂੰ ਨੰਗਾ ਕੀਤਾ ਜਾਵੇ ਅਤੇ ਰੁਤਬਿਆ ਤੋ ਹਟਾਇਆ ਜਾਵੇ ।
ਸਤਨਾਮ ਸਿੰਘ ਕਲੇਰ ਅਤੇ ਉਸਦਾ ਬੇਟਾ ਅਰਸ਼ਦੀਪ ਸਿੰਘ ਕਲੇਰ ਸਿਰਫ਼ ਸਰਦਾਰ ਖਾਲੜਾ ਦੇ ਕਾਤਲਾਂ ਨੂੰ ਬਚਾਉਣ ਵਾਲਿਆ ਦੇ ਹੀ ਵਕੀਲ ਨਹੀਂ ਸਨ ਸਗੋਂ ਹੋਰ ਵੀ ਬਹੁਤ ਸਾਰੇ ਉਹਨਾਂ ਪੁਲਸ ਵਾਲਿਆਂ ਦੇ ਵਕੀਲ ਹਨ ਜਿਹਨਾਂ ਨੇ ਸਿੱਖ ਨੌਜਵਾਨਾਂ ਨੂੰ ਕੋਹ ਕੋਹ ਕੇ ਮਾਰਿਆ । ਕਿੰਨੀ ਹੈਰਾਨੀ ਵਾਲੀ ਗੱਲ ਹੈ ਕਿ ਜਿਹੜੇ ਲੋਕ ਕਹਿੰਦੇ ਸੀ ਸਰਕਾਰ ਬਣਦਿਆ ਹੀ ਟਰੁੱਥ ਕਮਿਸ਼ਨ ਬਣਾਵਾਂਗੇ ਅਤੇ ਸ਼ਹੀਦਾਂ ਨੂੰ ਸਨਮਾਨ ਦਿੱਤਾ ਜਾਵੇਗਾ ਪਰੰਤੂ ਸਰਕਾਰ ਬਣਦਿਆ ਹੀ ਸਿੱਖ ਨੌਜਵਾਨਾਂ ਦੇ ਕਾਤਲਾਂ ਨੂੰ ਉੱਚੇ ਉਹਦਿਆ ਤੇ ਵੀ ਲਾਇਆ ਅਤੇ ਪਾਰਟੀ ਦੀਆ ਟਿਕਟਾਂ ਵੀ ਦਿਤੀਆ ।ਅਸੀ ਐੱਸਜੀਪੀਸੀ ਪ੍ਰਧਾਨ ਧਾਮੀ ਨੂੰ ਬੇਨਤੀ ਕਰਦੇ ਹਾਂ ਕਿ ਐੱਸਜੀਪੀਸੀ ਦੇ ਸਿਪਾਹੀ ਬਣ ਕੇ ਸਿਖਾ ਦੇ ਕਾਤਲਾਂ ਦਾ ਸਾਥ ਦੇਣ ਵਾਲਿਆ ਨੂੰ ਚੱਲਦਾ ਕਰੋ ਨਾ ਕਿ ਬਾਦਲਾ ਦੇ ਸਿਪਾਹੀ ਬਣ ਕੇ ਉਹਨਾਂ ਪੁਸ਼ਤ ਪਨਾਹੀ ਕਰੋ!