ਸ੍ਰੀ ਗੁਰੂ ਤੇਗ ਬਹਾਦਰ ਨਗਰ ਵਾਸੀਆਂ ਨੇ ਸਿਟੀ ਬੱਸ ਸਟੈਂਡ ਦੇ ਕਾਰਨ ਆਉਣ ਵਾਲੀਆਂ ਮੁਸ਼ਕਿਲਾਂ ਤੋ ਮੇਅਰ ਨੂੰ ਜਾਣੂ ਕਰਵਾਇਆ

ਅੰਮ੍ਰਿਤਸਰ - ਸ੍ਰੀ ਗੁਰੂ ਤੇਗ ਬਹਾਦਰ ਨਗਰ ਕਲੋਨੀ ਵਿੱਚ ਬਣ ਰਹੇ ਸਿਟੀ ਬੱਸ ਸਟੈਂਡ ਨੂੰ ਲੈ ਕੇ ਇਲਾਕਾ ਨਿਵਾਸੀਆਂ ਦੇ ਰੋਹ ਨੂੰ ਸ਼ਾਂਤ ਕਰਨ ਲਈ ਅੰਮ੍ਰਿਤਸਰ ਦੇ ਮੇਅਰ ਸ੍ਰ ਜਤਿੰਦਰ ਸਿੰਘ ਮੋਤੀ ਭਾਟੀਆ ਨੇ ਅੱਜ ਇਲਾਕੇ ਦਾ ਦੌਰਾ ਕੀਤਾ। ਇਸ ਮੌਕੇ ਤੇ ਉਨਾਂ ਇਲਾਕਾ ਨਿਵਾਸੀਆਂ ਨੂੰ ਇਸ ਮਸਲੇ ਦੇ ਜਲਦ ਹਲ ਕਢਣ ਦਾ ਭਰੋਸਾ ਦਿੱਤਾ।ਸ੍ਰੀ ਗੁਰੂ ਤੇਗ ਬਹਾਦਰ ਨਗਰ ਵਿਚ ਪੰਜਾਬ ਸਰਕਾਰ ਸਿਟੀ ਬੱਸ ਸਟੈਂਡ ਤੇ ਚਾਰਜਿੰਗ ਪਵਾਇੰਟ ਬਣਾ ਰਹੀ ਹੈ। ਇਲਾਕਾ ਨਿਵਾਸੀ ਵਲੋ ਮੇਅਰ ਸ੍ਰ ਭਾਟੀਆ ਨੂੰ ਮੁਸ਼ਕਿਲਾ ਦਸਦੇ ਹੋਏ ਸ ਅਮਨਦੀਪ ਸਿੰਘ, ਸ ਜਗਜੀਤ ਸਿੰਘ ਜੱਗੀ, ਸ ਗੁਰਮੁਖ ਸਿੰਘ, ਸ ਪਰਮਜੀਤ ਸਿੰਘ ਅਤੇ ਹੋਰਨਾਂ ਇਲਾਕਾ ਨਿਵਾਸੀਆਂ ਨੇ ਮੇਅਰ ਨੂੰ ਦਸਿਆ ਕਿ ਇਲਾਕੇ ਵਿੱਚ ਬਣ ਰਹੇ ਬਸ ਸਟੈਂਡ ਦੇ ਕਾਰਨ ਆਮ ਵਸਨੀਕਾਂ ਨੂੰ ਭਾਰੀ ਮੁਸ਼ਕਿਲਾ ਦਾ ਸਾਮਣਾ ਕਰਨਾ ਪਵੇਗਾ।ਬੱਸਾਂ ਦੀ ਲੰਬਾਈ ਕਾਰਨ ਇਲਾਕੇ ਵਿਚ ਜਾਮ ਦੀ ਸਥਿਤੀ ਬਣੇਗੀ ਕਿਉਕਿ ਰਿਹਾਇਸ਼ੀ ਇਲਾਕਾ ਹੋਣ ਕਾਰਨ ਤੇ ਸਾਹਮਣੇ ਘਰ ਹੋਣ ਕਾਰਨ ਬੱਸਾਂ ਦਾ ਮੁੜਣਾ ਦਾਖਲ ਹੋਣਾ ਲਗਭਗ ਅਸੰਭਵ ਹੈ। ਇਲਾਕਾ ਨਿਵਾਸੀ ਸ੍ਰ ਜਗਜੀਤ ਸਿੰਘ ਜੱਗੀ ਨੇ ਮੇਅਰ ਨੂੰ ਦਸਿਆ ਕਿ ਨੇ ਕਿਹਾ ਕਿ ਇਲਾਕੇ ਦੇ ਵਿੱਚ ਦੋ ਸਕੂਲ ਹਨ ਜਿੱਥੇ ਹਜ਼ਾਰਾਂ ਵਿਿਦਆਰਥੀ ਵਿਿਦਆ ਪ੍ਰਾਪਤ ਕਰਦੇ ਹਨ। ਸਿਟੀ ਬੱਸ ਸਰਵਿਸ ਸ਼ੁਰੂ ਹੋਣ ਦੇ ਨਾਲ ਉਹਨਾਂ ਵਿਿਦਆਰਥੀਆਂ ਦੇ ਵੀ ਆਉਣ ਜਾਣ ਪ੍ਰਭਾਵਿਤ ਹੋਵੇਗਾ। ਇਸ ਰਿਹਾਇਸ਼ੀ ਇਲਾਕੇ ਦੇ ਵਸਨੀਕਾਂ ਦੇ ਬੱਚਿਆਂ ਅਤੇ ਬਜ਼ੁਰਗਾਂ ਨੂੰ ਕਈ ਤਰ੍ਹਾਂ ਦੀਆਂ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਉਹਨਾਂ ਕਿਹਾ ਕਿ ਅਸੀਂ ਸਿਟੀ ਬੱਸ ਸਰਵਿਸ ਦੀ ਵਿਰੋਧਤਾ ਨਹੀਂ ਕਰ ਰਹੇ ਪਰ ਅਸੀਂ ਚਾਹੁੰਦੇ ਹਾਂ ਕਿ ਇਸ ਬੱਸਾਂ ਦੇ ਆਉਣ ਜਾਣ ਦੇ ਲਈ ਲਾਂਘਾ ਮੁੱਖ ਸੜਕ ਨਾਲ ਜੋੜਿਆ ਜਾਵੇ ਤਾਂ ਕਿ ਲੋਕ ਵੀ ਆਪਣੇ ਘਰਾਂ ਤੋਂ ਬਾਹਰ ਨਿਕਲ ਕੇ ਆਪਣੇ ਕਾਰ ਵਿਹਾਰ ਕਰ ਸਕਣ।ਬਜੁਰਗ ਤੇ ਬੱਚੇ ਸੁਰਖਿਅਤ ਢੰਗ ਨਾਲ ਘਰਾਂ ਤੋ ਬਾਹਰ ਘੰੁਮ ਸਕਣ। ਇਸ ਮੌਕੇ ਤੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਮੇਅਰ ਸ ਜਤਿੰਦਰ ਸਿੰਘ ਮੋਤੀ ਭਾਟੀਆ ਨੇ ਕਿਹਾ ਕਿ ਇਹ ਮਾਮਲਾ ਜਦ ਉਹਨਾਂ ਦੇ ਧਿਆਨ ਦੇ ਵਿੱਚ ਆਇਆ ਕਿ ਇਲਾਕੇ ਵਿੱਚ ਬਣ ਰਹੇ ਸਿਟੀ ਬੱਸ ਸਟੈਂਡ ਅਤੇ ਚਾਰਜਿੰਗ ਪੁਆਇੰਟ ਕਾਰਨ ਇਲਾਕਾ ਨਿਵਾਸੀਆਂ ਨੂੰ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ ਤਾਂ ਉਹ ਤੁਰੰਤ ਇਲਾਕੇ ਦਾ ਦੌਰਾ ਕਰਨ ਵਾਸਤੇ ਆਏ। ਉਹਨਾਂ ਕਿਹਾ ਕਿ ਸੋਮਵਾਰ ਤੱਕ ਉਹ ਉੱਚ ਅਧਿਕਾਰੀਆਂ ਨਾਲ ਮੀਟਿੰਗ ਕਰਕੇ ਇਸ ਦਾ ਰਸਤਾ ਲੱਭਣਗੇ ਤਾਂ ਕਿ ਇਲਾਕਾ ਨਿਵਾਸੀਆਂ ਨੂੰ ਵੀ ਕਿਸੇ ਤਰ੍ਹਾਂ ਦੀ ਮੁਸ਼ਕਿਲ ਦਾ ਸਾਹਮਣਾ ਨਾ ਕਰਨਾ ਪਵੇ। ਇਸ ਮੌਕੇ ਤੇ ਸਾਬਕਾ ਕੌਸਲਰ ਸ੍ਰ ਅਮਰਜੀਤ ਸਿੰਘ ਭਾਟੀਆ, ਐਡਵੋਕੇਟ ਦੀਪਕ ਕੁਮਾਰ, ਰਾਜ ਕੁਮਾਰ, ਅਰਸ਼ਦੀਪ ਸਿੰਘ ਤੇ ਦਵਿੰਦਰ ਸਿੰਘ ਵੀ ਹਾਜਰ ਸਨ।