ਚੰਡੀਗੜ੍ਹ -ਨੌਰਥ ਜ਼ੋਨ ਫ਼ਿਲਮ ਅਤੇ ਟੀਵੀ ਆਰਟਿਸਟ ਐਸੋਸੀਏਸ਼ਨ ਦੀ ਕਿਸਾਨ ਮੁੱਦੇ ਤੇ ਉਚੇਚੀ ਮੀਟਿੰਗ ਹੋਈ । ਜਿਸਦੀ ਪ੍ਰਧਾਨਗੀ ਗੁਰਪ੍ਰੀਤ ਘੁੱਗੀ ਨੇ ਕੀਤੀ ਪੰਜਾਬੀ ਫ਼ਿਲਮ ਇੰਡਸਟਰੀ ਦੇ ਸਾਰੇ ਕਲਾਕਾਰਾਂ ਨੇ ਇਕਜੁੱਟ ਹੋ ਕੇ ਕਿਹਾ ਜੋ ਬਿੱਲ ਕਿਸਾਨਾਂ ਨੂੰ ਬਿਨਾਂ ਭਰੋਸੇ ਲਏ ਕੇਂਦਰ ਸਰਕਾਰ ਨੇ ਪਾਸ ਕੀਤਾ ਹੈ , ਉਹ ਕਿਸਾਨ ਵਿਰੋਧੀ ਹੈ, ਉਹ ਦੀ ਜੰਮ ਕੇ ਨਿਖੇਧੀ ਕੀਤੀ ਜਾਣੀ ਚਾਹੀਦੀ ਹੈ ।
ਉਨ੍ਹਾਂ ਅੱਗੇ ਕਿਹਾ ਕਿ ਉਹ ਕਿਸਾਨਾਂ ਦੇ ਨਾਲ ਸੜਕਾਂ ਉੱਪਰ ਢਾਲ ਬਣ ਕੇ ਖੜ੍ਹੇ ਹਨ । ਉਨ੍ਹਾਂ ਦੱਸਿਆ ਕਿ ਪੰਜਾਬੀ ਫਿਲਮਾਂ ਵਿੱਚ ਵਿਖਾਏ ਜਾਣ ਵਾਲਾ ਮਾਹੌਲ ਪੰਜਾਬੀ ਸੱਭਿਆਚਾਰ ਕਿਸਾਨ ਦੀ ਖੁਸ਼ਹਾਲੀ ਤੋਂ ਬਿਨਾਂ ਅਧੂਰਾ ਹੈ ।ਕਿਸਾਨੀ ਨੂੰ ਨਿਰਾਸ਼ ਕਰਨ ਵਾਲੇ ਕਿਸੇ ਵੀ ਬਿੱਲ ਜਾਂ ਕਾਨੂੰਨ ਨੂੰ ਲੋਕ ਹਿੱਤ ਕਾਨੂੰਨ ਨਹੀਂ ਮੰਨਿਆ ਜਾ ਸਕਦਾ ।ਮੀਟਿੰਗ ਵਿੱਚ ਜਨਰਲ ਸਕੱਤਰ ਮਲਕੀਤ ਰੌਣੀ ਗੁਰਵਿੰਦਰ ਮਾਨ ਤਰਸੇਮ ਪਾਲ ਭਾਰਤ ਭੂਸ਼ਣ ਵਰਮਾ ਪਰਮਜੀਤ ਪੱਲੂ ਸਤਵੰਤ ਕੌਰ ਪਰਮਵੀਰ ਸਿੰਘ ਅਮਨ ਜੌਹਲ ਅਰਜੁਨ ਰਿਸ਼ੀ ਅਤੇ ਇੰਦਰਜੀਤ ਭੁੱਲਰ ਨੇ ਹਾਜ਼ਰੀ ਭਰੀ