ਨਵੀਂ ਦਿੱਲੀ - ਡਾ. ਪਰਮੀਤ ਸਿੰਘ ਚੱਢਾ ਵਰਲਡ ਸਿੱਖ ਚੈਂਬਰ ਆਫ ਕਾਮਰਸ ਦੇ ਗਲੋਬਲ ਚੇਅਰਮੈਨ ਨੇ ਭਾਰਤ ਸਰਕਾਰ ਅਤੇ ਹਰ ਨਾਗਰਿਕ ਨੂੰ ਵਧਾਈ ਦੇਂਦਿਆ ਕਿਹਾ ਕਿ ਭਾਰਤ ਨੇ ਆਧਿਕਾਰਿਕ ਤੌਰ 'ਤੇ ਜਪਾਨ ਨੂੰ ਪਿੱਛੇ ਛੱਡ ਕੇ ਦੁਨੀਆਂ ਦੀ ਚੌਥੀ ਸਭ ਤੋਂ ਵੱਡੀ ਅਰਥਵਿਵਸਥਾ ਬਣਨ ਦਾ ਮਾਣ ਹਾਸਲ ਕੀਤਾ ਹੈ ਤੇ ਇਹ ਇਕ ਇਤਿਹਾਸਕ ਉਪਲਬਧੀ ਹੈ ਜੋ ਇੱਕ ਅਰਬ ਤੋਂ ਵੱਧ ਭਾਰਤੀਆਂ ਦੀ ਤਾਕਤ, ਸੰਘਰਸ਼ ਨੂੰ ਦਰਸਾਉਂਦੀ ਹੈ। ਉਨ੍ਹਾਂ ਕਿਹਾ ਕਿ ਇਹ ਸਿਰਫ ਇੱਕ ਅੰਕ ਨਹੀਂ ਹੈ। ਇਹ ਇੱਕ ਰਾਸ਼ਟਰੀ ਜਾਗਰੂਕਤਾ ਹੈ। ਭਾਰਤ ਹੁਣ ਭਵਿੱਖ ਦੀ ਨਹੀਂ, ਸਗੋਂ ਮੌਜੂਦਾ ਦੀ ਅਰਥਵਿਵਸਥਾ ਹੈ । ਉਨ੍ਹਾਂ ਭਾਰਤ ਦੀਆਂ ਤਾਕਤਾਂ ਬਾਰੇ ਜਾਗਰੂਕ ਕਰਦਿਆਂ ਦਸਿਆ ਕਿ ਇਸ ਵਿਚ ਨੌਜਵਾਨ, ਹੁਨਰਮੰਦ ਆਬਾਦੀ, ਯੂਪੀ ਆਈ, ਆਧਾਰ, ਓਨਡੀਸੀ ਵਰਗੇ ਡਿਜੀਟਲ ਅਤੇ ਫਿਨਟੈਕ ਪਲੇਟਫਾਰਮ, ਉਤਪਾਦਨ ਖੇਤਰ ਵਿੱਚ ਵਾਧਾ ਅਤੇ ਪੀਐਲਆਈ ਆਧਾਰਤ ਨਿਰਯਾਤ ਦੇ ਨਾਲ ਵਧਦਾ ਹੋਇਆ ਅੰਤਰਰਾਸ਼ਟਰੀ ਭਰੋਸਾ ਅਤੇ ਰਾਜਨੀਤਿਕ ਪ੍ਰਭਾਵ ਦੇਸ਼ ਨੂੰ ਵਡੀ ਤਾਕਤ ਬਣਾਂਦਾ ਹੈ ।
ਉਨ੍ਹਾਂ ਇਸ ਸਮੇਂ ਦੇਸ਼ ਅੰਦਰ ਮੁੱਖ ਚੁਣੌਤੀਆਂ ਨੂੰ ਉਜਾਗਰ ਕਰਦਿਆਂ ਕਿਹਾ ਕਿ ਵੱਡੇ ਪੱਧਰ 'ਤੇ ਰੋਜ਼ਗਾਰ ਅਤੇ ਸਕਿੱਲ ਵਿਕਾਸ, ਬੁਨਿਆਦੀ ਢਾਂਚੇ ਦਾ ਅਧੁਨੀਕੀਕਰਨ ਅਤੇ ਸਮੇਟਣਯੋਗ ਸ਼ਹਿਰੀ ਯੋਜਨਾ, ਪਿੰਡ-ਸ਼ਹਿਰ, ਡਿਜੀਟਲ ਅਤੇ ਧਨ ਦੀ ਅਸਮਾਨਤਾ ਨੂੰ ਘਟਾਉਣ ਦੇ ਨਾਲ ਨਿਯਮਾਂ ਅਤੇ ਟੈਕਸ ਪ੍ਰਣਾਲੀ ਨੂੰ ਹੋਰ ਸੌਖਾ ਬਣਾਉਣ ਦੀ ਸਖ਼ਤ ਜਰੂਰਤ ਹੈ । ਉਨ੍ਹਾਂ ਕੇਂਦਰ ਸਰਕਾਰ ਨੂੰ ਅਪੀਲ ਕੀਤੀ ਕਿ ਦੇਸ਼ ਅੰਦਰ ਕਾਰੋਬਾਰੀ ਨਿਯਮਾਂ ਅਤੇ ਟੈਕਸ ਨੀਤੀਆਂ ਨੂੰ ਹੋਰ ਸੌਖਾ ਕਰਨਾ, ਐਫਟੀਏ ਅਤੇ ਵਪਾਰ ਉਤਸ਼ਾਹਨਾ ਨੂੰ ਤੇਜ਼ ਕਰਨਾ, ਲਾਜਿਸਟਿਕਸ, ਢਾਂਚਾ ਅਤੇ ਊਰਜਾ ਪ੍ਰਣਾਲੀਆਂ ਨੂੰ ਮਜ਼ਬੂਤ ਕਰਨਾ, ਸਕਿੱਲ ਡਿਵੈਲਪਮੈਂਟ ਲਈ ਸਰਕਾਰੀ-ਨਿੱਜੀ ਭਾਈਵਾਲੀ ਨੂੰ ਉਤਸ਼ਾਹਿਤ ਕਰਨ ਦੀ ਲੋੜ ਹੈ ।
ਡਾ. ਪਰਮੀਤ ਸਿੰਘ ਚੱਢਾ ਨੇ ਅੰਤ ਵਿੱਚ ਕਿਹਾ ਕਿ ਅਸੀਂ ਆਪਣੇ ਸਾਰੇ ਮੈਂਬਰਾਂ ਅਤੇ ਉਦਯੋਗਿਕ ਉਦਯੋਗਪਤੀਆਂ ਨੂੰ ਅਪੀਲ ਕਰਦੇ ਹਾਂ ਕਿ ਹੁਣ ਸਮਾਂ ਹੈ ਗਲੋਬਲ ਸੋਚਣ ਦਾ, ਭਾਰਤੀ ਬਣਨ ਦਾ। ਆਓ ਇਕੱਠੇ ਨਵੀਨਤਾ ਕਰੀਏ, ਨਿਵੇਸ਼ ਕਰੀਏ ਅਤੇ ਪ੍ਰੇਰਿਤ ਕਰੀਏ। ਆਓ ਅਸੀਂ ਸਾਰੇ ਭਾਰਤ ਦੀ ਸਿਖਰਲੀਆਂ 3 ਗਲੋਬਲ ਅਰਥਵਿਵਸਥਾਵਾਂ ਵਿੱਚ ਅਗਲੀ ਛਾਲ ਦੇ ਰਾਜਦੂਤ ਬਣੀਏ। ਅੱਗੇ ਦੀ ਯਾਤਰਾ ਇਤਿਹਾਸਕ ਹੈ ਅਤੇ ਸਾਨੂੰ ਇਸਨੂੰ ਇਕੱਠੇ ਹੋਕੇ ਚੱਲਣਾ ਚਾਹੀਦਾ ਹੈ।