ਨਵੀਂ ਦਿੱਲੀ - ਸਦਰ ਬਾਜ਼ਾਰ ਬਾਰੀ ਮਾਰਕੀਟ ਵਪਾਰੀ ਐਸੋਸੀਏਸ਼ਨ ਦੇ ਪ੍ਰਧਾਨ ਸਰਦਾਰ ਪਰਮਜੀਤ ਸਿੰਘ ਪੰਮਾ ਨੇ ਮੀਡੀਆ ਨੂੰ ਜਾਰੀ ਕੀਤੇ ਬਿਆਨ ਰਾਹੀਂ ਕਿਹਾ ਦੇਸ਼ ਦੇ ਵਪਾਰਕ ਭਾਈਚਾਰੇ—ਜਿਵੇਂ ਕਿ ਛੋਟੇ ਦੁਕਾਨਦਾਰ, ਥੋਕ ਵਿਕਰੇਤਾ, ਵਿਤਰਕ, ਆਯਾਤਕਾਰ, ਨਿਰਯਾਤਕ, ਅਤੇ ਐਮਐਸਐਮਈ ਨੂੰ ਆਉਣ ਵਾਲੇ ਕੇਂਦਰੀ ਬਜਟ ਵਿੱਚ ਸਰਕਾਰ ਤੋਂ ਕੁਝ ਮਹੱਤਵਪੂਰਨ ਉਮੀਦਾਂ ਹਨ। ਇਹ ਕਦਮ ਕਾਰੋਬਾਰ ਨੂੰ ਸੁਵਿਧਾਜਨਕ ਬਣਾਉਣ, ਆਰਥਿਕਤਾ ਨੂੰ ਮਜ਼ਬੂਤ ਕਰਨ ਅਤੇ ਰੁਜ਼ਗਾਰ ਵਧਾਉਣ ਵਿੱਚ ਮਦਦ ਕਰਨਗੇ। ਜੀਐਸਟੀ ਦਾ ਸਰਲੀਕਰਨ, ਕਾਗਜ਼ੀ ਕਾਰਵਾਈ ਅਤੇ ਨਿਯਮਾਂ ਵਿੱਚ ਕਮੀ, ਕਿਫਾਇਤੀ ਅਤੇ ਆਸਾਨ ਵਪਾਰਕ ਕਰਜ਼ੇ, ਆਮਦਨ ਟੈਕਸ ਰਾਹਤ, ਛੋਟੇ ਕਾਰੋਬਾਰਾਂ ਅਤੇ ਐਮਐਸਐਮਈ ਲਈ ਸਹਾਇਤਾ, ਅਤੇ ਨੀਤੀ ਸਥਿਰਤਾ ਲਈ ਕਾਗਜ਼ੀ ਕਾਰਵਾਈ ਘੱਟ ਕੀਤੀ ਜਾਏ ਅਤੇ ਟੈਕਸ ਨਿਯਮਾਂ ਨੂੰ ਵਾਰ-ਵਾਰ ਨਹੀਂ ਬਦਲਿਆ ਜਾਣਾ ਚਾਹੀਦਾ ਹੈ ਨਾਲ ਹੀ ਆਯਾਤ-ਨਿਰਯਾਤ ਨੂੰ ਉਤਸ਼ਾਹਿਤ ਕਰਨਾ, ਬੁਨਿਆਦੀ ਢਾਂਚਾ ਅਤੇ ਡਿਜੀਟਲ ਸਹਾਇਤਾ ਪ੍ਰਦਾਨ ਕੀਤੀ ਜਾਣੀ ਚਾਹੀਦੀ ਹੈ। ਖਰਚਿਆਂ ਨੂੰ ਘਟਾਉਣ ਨਾਲ ਮੁਨਾਫ਼ਾ ਵਧੇਗਾ ਜੋ ਕਿ ਦੇਸ ਅਤੇ ਵਪਾਰੀਆਂ ਲਈ ਰਾਹਤ ਦੀ ਗੱਲ ਹੋਵੇਗੀ ।