ਨੈਸ਼ਨਲ

ਔਨਲਾਈਨ ਧੋਖਾਧੜੀ ਤੋਂ ਬਚਾਉਣ ਲਈ ਔਰਤਾਂ ਨੂੰ ਜਾਗਰੂਕ ਹੋਣ ਦੀ ਸਖ਼ਤ ਲੋੜ - ਪਰਮਜੀਤ ਸਿੰਘ ਪੰਮਾ

ਮਨਪ੍ਰੀਤ ਸਿੰਘ ਖਾਲਸਾ/ ਕੌਮੀ ਮਾਰਗ ਬਿਊਰੋ | February 03, 2026 09:25 PM

ਨਵੀਂ ਦਿੱਲੀ - ਸੁਰੀਤ ਈਵੈਂਟਸ ਫਾਊਂਡੇਸ਼ਨ ਟਰੱਸਟ ਦੀ ਤੀਜੀ ਸ਼ਾਖਾ ਦਾ ਉਦਘਾਟਨ ਮੁੱਖ ਮਹਿਮਾਨ, ਨੈਸ਼ਨਲ ਅਕਾਲੀ ਦਲ ਦੇ ਪ੍ਰਧਾਨ ਪਰਮਜੀਤ ਸਿੰਘ ਪੰਮਾ ਦੁਆਰਾ ਕੀਤਾ ਗਿਆ। ਇਸ ਬਾਰੇ ਜਾਣਕਾਰੀ ਦੇਂਦਿਆ ਟ੍ਰਸਟ ਦੇ ਪ੍ਰਧਾਨ ਰਸ਼ਮੀਤ ਕੌਰ ਬਿੰਦਰਾ ਨੇ ਦਸਿਆ ਇਹ ਸ਼ਾਖਾ ਦਿੱਲੀ ਦੇ ਮੋਤੀ ਨਗਰ ਦੇ ਸੁਦਰਸ਼ਨ ਪਾਰਕ ਵਿੱਚ ਖੋਲ੍ਹੀ ਗਈ ਹੈ ਅਤੇ ਇਸਨੂੰ ਰਿਦਮ ਚੱਢਾ ਦੀ ਨਿਗਰਾਨੀ ਹੇਠ ਚਲਾਇਆ ਜਾਵੇਗਾ, ਜੋ ਸੂਬਾ ਪ੍ਰਧਾਨ ਅਤੇ ਰਾਸ਼ਟਰੀ ਬ੍ਰਾਂਡ ਅੰਬੈਸਡਰ ਬਣੇ ਹਨ । ਇਸ ਮੌਕੇ ਨੈਸ਼ਨਲ ਅਕਾਲੀ ਦਲ ਦੇ ਪ੍ਰਧਾਨ ਪਰਮਜੀਤ ਸਿੰਘ ਪੰਮਾ ਨੇ ਕਿਹਾ ਕਿ ਔਰਤਾਂ ਨੂੰ ਔਨਲਾਈਨ ਧੋਖਾਧੜੀ ਤੋਂ ਬਚਾਉਣ ਲਈ ਇੱਕ ਵਿਸ਼ੇਸ਼ ਮੁਹਿੰਮ ਚਲਾਈ ਜਾਣੀ ਚਾਹੀਦੀ ਹੈ। ਇਸ ਮੁਹਿੰਮ ਦਾ ਉਦੇਸ਼ ਔਰਤਾਂ ਵਿੱਚ ਔਨਲਾਈਨ ਸੁਰੱਖਿਆ ਬਾਰੇ ਜਾਗਰੂਕਤਾ ਪੈਦਾ ਕਰਨਾ ਅਤੇ ਸਾਈਬਰ ਅਪਰਾਧ ਤੋਂ ਆਪਣੇ ਆਪ ਨੂੰ ਬਚਾਉਣ ਲਈ ਲੋੜੀਂਦੀ ਜਾਣਕਾਰੀ ਪ੍ਰਦਾਨ ਕਰਨਾ ਹੈ।
ਪੰਮਾ ਨੇ ਕਿਹਾ ਕਿ ਔਰਤਾਂ ਨੂੰ ਔਨਲਾਈਨ ਧੋਖਾਧੜੀ ਦੇ ਤਰੀਕਿਆਂ ਤੋਂ ਜਾਣੂ ਕਰਵਾਉਣ ਨਾਲ ਉਨ੍ਹਾਂ ਨੂੰ ਸਾਈਬਰ ਸੁਰੱਖਿਆ ਲਈ ਜ਼ਰੂਰੀ ਜਾਣਕਾਰੀ ਮਿਲੇਗੀ। ਰਸ਼ਮੀਤ ਕੌਰ ਬਿੰਦਰਾ ਨੇ ਦੱਸਿਆ ਕਿ ਸੁਰੀਤ ਈਵੈਂਟਸ ਫਾਊਂਡੇਸ਼ਨ ਟਰੱਸਟ ਝੁੱਗੀ-ਝੌਂਪੜੀ ਵਾਲੇ ਇਲਾਕਿਆਂ ਲਈ ਕੰਮ ਕਰਦਾ ਹੈ, ਸ਼ਖਸੀਅਤ ਵਿਕਾਸ, ਪੌਸ਼ਟਿਕ ਭੋਜਨ, ਮੁਫ਼ਤ ਸਿੱਖਿਆ, ਡਾਕਟਰੀ ਸਹੂਲਤਾਂ, ਸੈਨੇਟਰੀ ਨੈਪਕਿਨ, ਕੱਪੜੇ, ਤਿਉਹਾਰ, ਬੱਚਿਆਂ ਦੇ ਜਨਮਦਿਨ ਅਤੇ ਬੱਚਿਆਂ ਨੂੰ ਸਾਰੀਆਂ ਜ਼ਰੂਰੀ ਚੀਜ਼ਾਂ ਪ੍ਰਦਾਨ ਕਰਦਾ ਹੈ। ਰਿਦਮ ਚੱਢਾ ਦੇ ਕੰਮ ਨੂੰ ਦੇਖਦਿਆਂ, ਰਸ਼ਮੀਤ ਕੌਰ ਬਿੰਦਰਾ ਨੇ ਉਨ੍ਹਾਂ ਨੂੰ ਇਹ ਜ਼ਿੰਮੇਵਾਰੀ ਸੌਂਪੀ। ਸੁਰੀਤ ਈਵੈਂਟਸ ਦੀ ਤੀਜੀ ਸ਼ਾਖਾ ਦਾ ਉਦਘਾਟਨ ਹੀਰਾ ਸਵੀਟਸ, ਜਨਕਪੁਰੀ ਵਿਖੇ ਹੋਇਆ। ਮੁੱਖ ਮਹਿਮਾਨ ਪਰਮਜੀਤ ਸਿੰਘ ਪੰਮਾ ਪ੍ਰਧਾਨ, ਨੈਸ਼ਨਲ ਅਕਾਲੀ ਦਲ, ਮਸ਼ਹੂਰ ਮਹਿਮਾਨ ਬਾਲੀਵੁੱਡ ਗਾਇਕ ਅਤੇ ਨਿਰਦੇਸ਼ਕ ਆਸ਼ੂ ਪੰਜਾਬੀ, ਵੀਆਈਪੀ ਵਿਸ਼ੇਸ਼ ਮਹਿਮਾਨ ਆਈਕੋਨਿਕ ਕਾਰੋਬਾਰੀ (ਯੂਕੇ) ਸੁਖਵਿੰਦਰ ਸਿੰਘ, ਵਿਸ਼ੇਸ਼ ਮਹਿਮਾਨ ਰਾਸ਼ਟਰੀ ਪ੍ਰਧਾਨ ਮਹਿਲਾ ਵਿੰਗ, ਨੈਸ਼ਨਲ ਅਕਾਲੀ ਦਲ ਭਾਵਨਾ ਧਵਨ ਇਸ ਮੌਕੇ ਹਾਜਿਰ ਸਨ । ਟ੍ਰਸਟ ਦੇ ਸੰਸਥਾਪਕ ਰਸ਼ਮੀਤ ਕੌਰ ਬਿੰਦਰਾ, ਮਿਸ਼ਨ ਦੀ ਬ੍ਰਾਂਡ ਅੰਬੈਸਡਰ ਸਰਬਜੀਤ ਕੌਰ, ਸੀਨੀਅਰ ਏਰੀਆ ਪ੍ਰਧਾਨ ਡਾ. ਨੈਨਸੀ ਚੋਪੜਾ ਅਤੇ ਸੁਨੀਤਾ ਅਰੋੜਾ ਨੇ ਮੌਜੂਦ ਸਾਰੇ ਮੈਂਬਰਾਂ ਦਾ ਸਵਾਗਤ ਕੀਤਾ। ਇਸ ਮੌਕੇ ਹਰਸ਼ਿਤਾ ਦਵਾਰ, ਭੂਮਿਕਾ, ਸਮਾਇਰਾ ਚੱਢਾ, ਰੀਤ ਕੌਰ, ਪਿੰਕੀ, ਪ੍ਰਾਚੀ, ਰਾਮਪਿਆਰੀ, ਦਵਿੰਦਰ ਸਿੰਘ, ਸਰਬਜੀਤ ਕੌਰ, ਮੇਕਓਵਰ ਸਰਿਤਾ, ਆਰਜੇ ਮਲਿਕਾ ਮਹਿਨ, ਡਾ: ਲਲਿਤਾ ਸਮੇਤ ਸਾਰੇ ਮਹਿਮਾਨਾਂ ਨੇ ਪ੍ਰੋਗਰਾਮ ਵਿਚ ਸ਼ਿਰਕਤ ਕੀਤੀ ।

Have something to say? Post your comment

 
 
 
 

ਨੈਸ਼ਨਲ

ਲੋਕ ਸਭਾ ਵਿੱਚ ਕਾਗਜ਼ ਸੁੱਟਣ ਲਈ ਅੱਠ ਸੰਸਦ ਮੈਂਬਰ ਮੁਅੱਤਲ, ਰਾਹੁਲ ਗਾਂਧੀ ਸਮੇਤ ਵਿਰੋਧੀ ਧਿਰ ਦੇ ਨੇਤਾ ਵਿਰੋਧ ਪ੍ਰਦਰਸ਼ਨ

ਸਰਕਾਰ ਨੇ ਵਪਾਰ ਸਮਝੌਤੇ ਵਿੱਚ ਕਿਸਾਨਾਂ ਦੀ ਮਿਹਨਤ ਅਤੇ ਪਸੀਨਾ ਵੇਚ ਦਿੱਤਾ: ਰਾਹੁਲ ਗਾਂਧੀ

ਸੰਯੁਕਤ ਕਿਸਾਨ ਮੋਰਚਾ ਵਲੋਂ 4 ਫਰਵਰੀ ਤੋਂ 11 ਫਰਵਰੀ ਤੱਕ ਮੋਦੀ ਅਤੇ ਟਰੰਪ ਦੇ ਪੁਤਲੇ ਸਾੜਨ ਦੀ ਅਪੀਲ

ਚੀਨੀ ਘੁਸਪੈਠ ਦੇ ਮੁੱਦੇ 'ਤੇ ਸਦਨ ਵਿੱਚ ਹੰਗਾਮਾ, ਰਾਹੁਲ ਗਾਂਧੀ ਨੇ ਕਿਹਾ, "ਮੈਨੂੰ ਬੋਲਣ ਨਹੀਂ ਦਿੱਤਾ ਜਾ ਰਿਹਾ

ਸਿੱਖ ਰਿਕਵਰੀ ਨੈੱਟਵਰਕ ਯੂਕੇ ਵਲੋਂ ਨਟਿੰਘਮਸਹਿਰ ਵਿਖ਼ੇ ਸਿੱਖ ਰਿਟਰੀਟ ਵਰਕਸ਼ਾਪ 19 ਫਰਵਰੀ ਤੋਂ 22 ਫਰਵਰੀ ਤਕ ਹੋਵੇਗੀ

ਸੁਪਰੀਮ ਕੋਰਟ ਵਲੋਂ ਮਜੀਠੀਆ ਨੂੰ ਜ਼ਮਾਨਤ ਦੇਣਾ ਸਵਾਗਤਯੋਗ: ਸਰਨਾ

ਵਿਰੋਧੀ ਧਿਰ ਦੇ ਆਗੂਆਂ ਨੇ ਬਜਟ ਨੂੰ ਕਿਹਾ ਜੁਮਲਾਬਾਜ਼ੀ -11 ਸਾਲਾਂ ਵਿੱਚ ਕੁਝ ਵੀ ਨਹੀਂ ਮਿਲਿਆ

ਕਿਸਾਨ ਸਭਾ ਵਲੋਂ 3 ਫਰਵਰੀ ਨੂੰ ਦੇਸ਼ ਭਰ ਵਿੱਚ ਕਿਸਾਨ-ਵਿਰੋਧੀ, ਸੰਘਵਾਦ-ਵਿਰੋਧੀ ਬਜਟ ਦੀਆਂ ਕਾਪੀਆਂ ਸਾੜਨ ਦਾ ਸੱਦਾ

ਸ਼ੇਅਰ ਬਾਜ਼ਾਰ ਵਿਚ ਹਾ-ਹਾਕਾਰ, ਬਜਟ ਵਾਲੇ ਦਿਨ 9.40 ਲੱਖ ਕਰੋੜ ਰੁਪਏ ਦਾ ਹੋਇਆ ਨੁਕਸਾਨ

ਬਜਟ ਵਿੱਚ ਪੰਜਾਬ ਲਈ ਕੁਝ ਵੀ ਖਾਸ ਨਹੀਂ: ਵਿਕਰਮਜੀਤ ਸਾਹਨੀ