ਐਵਨਲੀ ਯੂਨੀਵਰਸਿਟੀ ਦਾ ਸ਼ਾਨਦਾਰ ਦੀਖਿਆਂਤ ਸਮਾਰੋਹ ਸੰਪੰਨ

ਨਵੀਂ ਦਿੱਲੀ - ਐਵਨਲੀ ਯੂਨੀਵਰਸਿਟੀ ਵੱਲੋਂ ਸਾਲ 2026 ਦਾ ਦੀਖਿਆਂਤ ਸਮਾਰੋਹ ਭਾਰਤੀ ਵਿਦਿਆਪੀਠ ਐਜੂਕੇਸ਼ਨਲ ਕੰਪਲੈਕਸ, ਪੱਛਮੀ ਵਿਹਾਰ, ਦਿੱਲੀ ਵਿੱਚ ਵਾਈਸ ਚਾਂਸਲਰ ਡਾ. ਰਾਜੇਸ਼ ਚੌਹਾਨ ਦੀ ਅਗਵਾਈ ਹੇਠ ਬੜੇ ਉਤਸ਼ਾਹ ਅਤੇ ਸ਼ਾਨ ਨਾਲ ਆਯੋਜਿਤ ਕੀਤਾ ਗਿਆ। ਸਮਾਰੋਹ ਦੀ ਸ਼ੁਰੂਆਤ ਰਵਾਇਤੀ ਦੀਪ ਪ੍ਰਜਵਲਨ ਨਾਲ ਹੋਈ। ਇਸ ਮੌਕੇ ਕਈ ਮਾਣਯੋਗ ਹਸਤੀਆਂ ਨੇ ਮੁੱਖ ਅਤੇ ਵਿਸ਼ੇਸ਼ ਮਹਿਮਾਨ ਵਜੋਂ ਸ਼ਿਰਕਤ ਕੀਤੀ। ਇਨ੍ਹਾਂ ਵਿੱਚ ਡਾ. ਸੁਮਿਤ ਸੁਸੀਲਨ (ਮੈਂਬਰ, ਏਏਸੀ, ਨਾਗਰਿਕ ਹਵਾਈ ਉਡਾਣ ਮੰਤਰਾਲਾ), ਡਾ. ਐਮ. ਐਨ. ਹੋਡਾ (ਡਾਇਰੈਕਟਰ, ਬੀਵੀਆਈਸੀਏਐਮ), ਪਰਮਜੀਤ ਸਿੰਘ ਪੰਮਾ (ਪ੍ਰਧਾਨ, ਕ੍ਰਿਸ਼ਨਾ ਸੋਸ਼ਲ ਵੈਲਫੇਅਰ ਟਰਸਟ ਅਤੇ ਨੈਸ਼ਨਲ ਅਕਾਲੀ ਦਲ), ਡਾ. ਐਸ. ਕੇ. ਵਰਮਾ (ਰਜਿਸਟਰਾਰ, ਐਵਨਲੀ ਯੂਨੀਵਰਸਿਟੀ) ਅਤੇ ਡਾ. ਯਸ਼ ਮੱਕੜ (ਉਪ ਸਕੱਤਰ, ਸੀਬੀਐਸਈ ਦਿੱਲੀ) ਪ੍ਰਮੁੱਖ ਰਹੇ।ਸਮਾਰੋਹ ਦੌਰਾਨ ਮਹੇਸ਼ ਚੰਦਰ, ਸੰਤ ਸਿੰਘ, ਮੁਹੰਮਦ ਇਮਤਿਆਜ਼ ਅਤੇ ਮੁਹੰਮਦ ਅਲੀਮੁੱਦੀਨ ਨੂੰ ਉਨ੍ਹਾਂ ਦੇ ਖੇਤਰਾਂ ਵਿੱਚ ਵਿਸ਼ੇਸ਼ ਯੋਗਦਾਨ ਲਈ ਮਾਨਦ ਡਾਕਟਰੇਟ ਦੀ ਉਪਾਧੀ ਦੇ ਕੇ ਸਨਮਾਨਿਤ ਕੀਤਾ ਗਿਆ। ਇਸ ਦੇ ਨਾਲ ਹੀ ਵੱਖ-ਵੱਖ ਕੋਰਸਾਂ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕਰਨ ਵਾਲੇ ਵਿਦਿਆਰਥੀਆਂ ਨੂੰ ਉਤਕ੍ਰਿਸ਼ਟਤਾ ਸਰਟੀਫਿਕੇਟ ਵੀ ਪ੍ਰਦਾਨ ਕੀਤੇ ਗਏ। ਬਾਲੀਵੁੱਡ ਗਾਇਕ ਆਸ਼ੂ ਪੰਜਾਬੀ ਨੇ ਆਪਣੀ ਰੰਗਾਰੰਗ ਸੰਗੀਤਮਈ ਪੇਸ਼ਕਾਰੀ ਨਾਲ ਸਮਾਗਮ ਵਿੱਚ ਰੌਣਕ ਲਾ ਦਿੱਤੀ, ਜਿਸ ਦਾ ਦਰਸ਼ਕਾਂ ਨੇ ਖੂਬ ਆਨੰਦ ਮਾਣਿਆ। ਇਸ ਮੌਕੇ ਅਮਨ ਬੰਸਲ ਨੂੰ ਯੂਨੀਵਰਸਿਟੀ ਦਾ ਮਾਰਕੀਟਿੰਗ ਡਾਇਰੈਕਟਰ ਅਤੇ ਰਾਜੇਸ਼ ਕੁਮਾਰ ਨੂੰ ਐਡਮਿਨਿਸਟ੍ਰੇਸ਼ਨ ਡਾਇਰੈਕਟਰ ਨਿਯੁਕਤ ਕਰਨ ਦਾ ਐਲਾਨ ਵੀ ਕੀਤਾ ਗਿਆ। ਅੰਤ ਵਿੱਚ ਧੰਨਵਾਦੀ ਭਾਸ਼ਣ ਅਤੇ ਖੁਸ਼ੀ ਭਰੇ ਮਾਹੌਲ ਨਾਲ ਸਮਾਰੋਹ ਦਾ ਸਮਾਪਨ ਹੋਇਆ। ਵਿਦਿਆਰਥੀਆਂ, ਅਧਿਆਪਕਾਂ ਅਤੇ ਮਹਿਮਾਨਾਂ ਦੇ ਉਤਸ਼ਾਹ ਨੇ ਇਸ ਸਮਾਗਮ ਨੂੰ ਐਵਨਲੀ ਯੂਨੀਵਰਸਿਟੀ ਲਈ ਯਾਦਗਾਰ ਅਤੇ ਇਤਿਹਾਸਕ ਬਣਾਇਆ।