ਅੰਮ੍ਰਿਤਸਰ - ਵਿਧਾਇਕਾ ਬੀਬੀ ਜੀਵਨਜੋਤ ਕੌਰ ਵਲੋ ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਜਥੇਦਾਰ ਗਿਆਨੀ ਕੁਲਦੀਪ ਸਿੰਘ ਗੜਗੱਜ ਬਾਰੇ ਕੀਤੀ ਬਿਆਨਬਾਜੀ ਤੋ ਬਾਅਦ ਸ਼੍ਰੋਮਣੀ ਅਕਾਲੀ ਦਲ ਬਾਦਲ ਦੀ ਇਸਤਰੀ ਵਿੰਗ ਦੀ ਆਗੂ ਅਤੇ ਹਿਉਮਨ ਰਾਇਟਸ ਪੰਜਾਬ ਦੀ ਚੇਅਰਪ੍ਰਸਨ ਬੀਬੀ ਜ਼ਸਵਿੰਦਰ ਕੌਰ ਸੌਹਲ ਨੇ ਸ੍ਰੀ ਅਕਾਲ ਤਖ਼ਤ ਸਾਹਿਬ ਵਿਖੇ ਇਕ ਸ਼ਿਕਾਇਤ ਸੋਪ ਕੇ ਬੀਬੀ ਜੀਵਨਜੋਤ ਕੌਰ ਦੇ ਖਿਲਾਫ ਸਖਤ ਕਾਰਵਾਈ ਦੀ ਮੰਗ ਕੀਤੀ। ਜਥੇਦਾਰ ਦੇ ਨਿਜੀ ਸਹਾਇਕ ਬਗੀਚਾ ਸਿੰਘ ਨੂੰ ਸੌਪੇ ਪੱਤਰ ਵਿਚ ਬੀਬੀ ਸੌਹਲ ਨੇ ਕਿਹਾ ਕਿ ਬੀਬੀ ਜੀਵਨਜੋਤ ਕੌਰ ਨੂੰ ਤੁਰੰਤ ਸ੍ਰੀ ਅਕਾਲ ਤਖ਼ਤ ਸਾਹਿਬ ਤੇ ਤਲਬ ਕੀਤਾ ਜਾਵੇ ਤੇ ਨਾਲ ਹੀ ਉਸ ਪਾਸੋ ਲਿਖਤੀ ਤੇ ਜਨਤਕ ਸ਼ਪਸਟੀਕਰਨ ਮੰਗਿਆ ਜਾਵੇ। ਉਨਾਂ ਪੱਤਰ ਵਿਚ ਕਿਹਾ ਕਿ ਬੀਬੀ ਜੀਵਨਜੋਤ ਕੌਰ i’ੱਖ ਕੌਮ ਪਾਸੋ ਬਿਨਾਂ ਸ਼ਰਤ ਮੁਆਫੀ ਮੰਗੇ। ਬੀਬੀ ਸੋਹਲ ਨੇ ਕਿਹਾ ਕਿ ਸ੍ਰੀ ਅਕਾਲ ਤਖ਼ਤ ਸਾਹਿਬ ਦਾ ਮਾਨ ਸਨਮਾਨ ਤੇ ਮਰਿਯਾਦਾ ਕਾਇਮ ਰਖਣ ਲਈ ਪੰਥਕ ਰਵਾਇਤਾ ਮੁਤਾਬਿਕ ਬੀਬੀ ਜੀਵਨਜੋਤ ਕੌਰ ਤੇ ਬਣਦੀ ਕਾਰਵਾਈ ਕੀਤੀ ਜਾਵੇ। ਜ਼ੇਕਰ ਇਹ ਮਾਮਲਾ; ਧਾਰਮਿਕ ਭਾਵਨਾਵਾਂ ਨੂੰ ਠੇਸ ਪਹੁੰਚਾਉØ ਦੇ ਦਾਇਰੇ ਵਿਚ ਆਉਦਾ ਹੋਵੇ ਤਾਂ ਬਣਦੀ ਕਾਰਵਾਈ ਕੀਤੀ ਜਾਵੇ।