ਸ੍ਰੀ ਦਰਬਾਰ ਸਾਹਿਬ ਸਰੋਵਰ ਵਿਚ ਵੁਜੂ ਤੇ ਕੁਰਲੀ ਕਰਨ ਵਾਲੇ ਸੁਬਹਾਨ ਰੰਗਰੇਜ਼ ਦੇ ਖਿਲਾਫ ਕਨੂੰਨੀ ਕਾਰਵਾਈ ਸ਼ੁਰੂ

ਅੰਮ੍ਰਿਤਸਰ -ਸੁਬਹਾਨ ਰੰਗਰੇਜ਼ ਨਾਮਕ ਇੱਕ ਮੁਸਲਿਮ ਨੌਜਵਾਨ ਵੱਲੋਂ ਬੀਤੇ ਦਿਨੀ ਸ੍ਰੀ ਦਰਬਾਰ ਸਾਹਿਬ ਦੇ ਸਰੋਵਰ ਵਿੱਚ ਕੁਰਲੀ ਕਰਨ ਦੇ ਮਾਮਲੇ ਨੂੰ ਬੇਅਦਬੀ ਕਰਾਰ ਦਿੰਦਿਆਂ ਅੱਜ 24 ਜਨਵਰੀ 2026 ਨੂੰ ਸ੍ਰੀ ਦਰਬਾਰ ਸਾਹਿਬ ਦੇ ਪ੍ਰਬੰਧਕਾਂ ਵੱਲੋਂ ਅੰਮ੍ਰਿਤਸਰ ਸ਼ਹਿਰ ਦੇ ਈ ਡਵੀਜ਼ਨ ਪੁਲਿਸ ਥਾਣੇ ਵਿੱਚ ਅਧਿਕਾਰਤ ਰੂਪ ਵਿੱਚ ਸ਼ਿਕਾਇਤ ਦਰਜ ਕਰਵਾਈ ਗਈ ਹੈ।ਮੈਨੇਜਰ ਸ੍ਰ ਰਜਿੰਦਰ ਸਿੰਘ ਰੂਬੀ ਦੀ ਼ਿਸਕਾਇਤ ਤੇ ਪੁਲੀਸ ਵਲੋ ਕਾਰਵਾਈ ਕੀਤੀ ਜਾ ਰਹੀ ਹੈ।ਸ੍ਰੀ ਦਰਬਾਰ ਸਾਹਿਬ ਦੇ ਸਰੋਵਰ ਵਿਚ ਵੁਜੂ ਕਰਨ ਤੇ ਕੁਰਲੀ ਕਰਨ ਵਾਲੇ ਇਸ ਵਿਅਕਤੀ ਦੀ ਪਛਾਣ ਸੁਬਹਾਨ ਰੰਗਰੇਜ਼ ਵਾਸੀ ਗਾਜ਼ੀਆਬਾਦ, ਉੱਤਰ ਪ੍ਰਦੇਸ਼ ਵਜੋਂ ਹੋਈ ਹੈ। ਸੁਬਹਾਨ ਰੰਗਰੇਜ਼ 13 ਜਨਵਰੀ 2026 ਨੂੰ ਸ੍ਰੀ ਦਰਬਾਰ ਸਾਹਿਬ ਪਰਿਕਰਮਾ ਵਿੱਚ ਆਇਆ ਸੀ।ਮੌਕੇ ਦੀ ਸੀਸੀ ਟੀਵੀ ਫੁਟੇਜ਼ ਦੇਖਣ ਤੋ ਬਾਅਦ ਅਤੇ ਪ੍ਰਬੰਧਕਾਂ ਵੱਲੋਂ ਕੀਤੀ ਗਈ ਜਾਂਚ ਵਿੱਚ ਪਤਾ ਲਗਾ ਹੈ ਕਿ ਉਸ ਦਿਨ ਸੁਬਹਾਨ ਰੰਗਰੇਜ਼ ਦੇ ਨਾਲ ਹੋਰ ਵੀ ਚਾਰ ਨੌਜਵਾਨ ਸਨ। ਇਹ ਸਾਰੇ ਪੰਜ ਵਿਅਕਤੀ ਸ੍ਰੀ ਦਰਬਾਰ ਸਾਹਿਬ ਵਿਖੇ ਕਰੀਬ 20 ਮਿੰਟ ਤਕ ਰੁਕੇ ਤੇ ਮੱਥਾ ਟੇਕੇ ਬਿਨਾਂ ਹੀ ਵਾਪਸ ਚਲੇ ਗਏ ਸਨ।ਇਨਾਂ ਨੇ ਪਰਿਕਰਮਾ ਵਿੱਚ ਰੁਕ ਕੇ ਪਾਵਨ ਸਰੋਵਰ ਅੰਦਰ ਕੁਰਲੀ ਅਤੇ ਚੂਲ਼ਾ ਲੈਂਦਿਆਂ ਸੁਬਹਾਨ ਰੰਗਰੇਜ਼ ਦੀ ਅ ਰਿਕਾਰਡ ਕੀਤੀ ਅਤੇ ਉਹ ਵੀਡੀਓ 16 ਜਨਵਰੀ 2026 ਨੂੰ ਆਪਣੇ ਸੋਸ਼ਲ ਮੀਡੀਆ ਅਕਾਉਟ ਉੱਤੇ ਪਾਈ। ਮਾਮਲਾ ਧਿਆਨ ਵਿੱਚ ਆਉਣ ਤੋਂ ਬਾਅਦ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਨੇ ਇਸ ਦੀ ਜਾਂਚ ਅਰੰਭੀ ਅਤੇ ਜਾਂਚ ਵਿੱਚ ਸਬੰਧਤ ਨੌਜਵਾਨਾਂ ਦੀ ਗਤੀਵਿਧੀ ਕੈਮਰਿਆਂ ਰਾਹੀਂ ਵਾਚੀ ਗਈ, ਜਿਸ ਤੋਂ ਪ੍ਰਬੰਧਕਾਂ ਅਨੁਸਾਰ ਇਹ ਸਪੱਸ਼ਟ ਹੁੰਦਾ ਹੈ ਕਿ ਉਸ ਦੀ ਮਨਸ਼ਾ ਸ਼ਰਧਾ ਭਾਵਨਾ ਵਾਲੀ ਘੱਟ ਅਤੇ ਵਿਵਾਦ ਕਰਨ ਵਾਲੀ ਵੱਧ ਸੀ ਜਿਸ ਨੂੰ ਬੇਅਦਬੀ ਮੰਨਿਆ ਗਿਆ ਹੈ।ਪੁਲੀਸ ਨੂੰ ਦਿੱਤੀ ਸ਼ਿਕਾਇਤ ਵਿਚ ਇਹ ਕਿਹਾ ਗਿਆ ਹੈ ਕਿ ਦੋਸ਼ੀ ਦੀ ਗਤੀਵਿਧੀਆਂ ਨਾਲ ਸਿੱਖ ਭਾਵਨਾਵਾਂ ਨੂੰ ਗਹਿਰੀ ਸੱਟ ਵੱਜੀ ਹੈ ਇਸ ਲਈ ਕਾਨੂੰਨੀ ਕਾਰਵਾਈ ਦੀ ਮੰਗ ਕੀਤੀ ਗਈ ਹੈ।ਇਸ ਮੌਕੇ ਤੇ ਮੈਨੇਜਰ ਜ਼ਸਪਾਲ ਸਿੰਘ ਢੱਡੇ ਤੇ ਕਾਨੂੰਨੀ ਸਲਾਹਕਾਰ ਅਮਨਬੀਰ ਸਿੰਘ ਸਿਆਲੀ ਵੀ ਹਾਜਰ ਸਨ।